Aýdyşmaly bolsa adamda aýyp,
Aýtsam ile çykyp bilmejekler bar.
Kim-kimden üýtgeşik kim-kimden beýik,
Terezä goýuşsaň gülmejekler bar.

Ders berseň suw berseň gögerer ekin,
Eşek hormatlasaň çykmaz hiç çakyň,
Mollasyrap, görse ýetimiň hakyn,
Doňuz deý iýmäne ylgajaklar bar.

"It ata är daýa" bolsa-da nakyl,
Seret käbir erkek daýzasy edil.
Gürletseň köp bilýär asly kemakyl,
Kowsaňam ýüzüne almajaklar bar.

Adama buýsanma "Bar diýip arkam",
Ýykylmagyň ahmal buýsanyp durkaň,
Ýaradandan güýçli däldir seň arkaň,
Men-men diýip gidip gelmejekler bar.

Il-gün gatnaberse ýol bolar ýoda,
Ýetime kömek et ýardam et ýada,
Ýagşylykda adyň galsyn dünýäde,
Özi öldi...
ady ölmejekler bar.