Duýular saña
awtor: Şanazar Hydyrow

Bir gün meñ ýoklugym duýular saña,
Yza dönmejegmi bileñde baky.
Sessiz gijelerde batarsyñ gama,
Ne men dolanaryn, ne-de bir uky,

Bir gün meñ ýoklugym duýular saña,
Günler sähel kemäýse ýylgyrşyñy.
Peýdasyz galanda töwerek - daşyñ,
Ýatlarsyñ sen göwnüñ tapyp durşumy.

Bir gün meñ ýoklugym duýular saña,
Tapylman söýgüde men dek aýnadan.
Köçäñizden ýat adamlar geçende,
Mendir öýdüp gararsyñ sen aýnadan.

Bir gün meñ ýoklugym duýular saña,
Garagol şemalyñ pyşyrdysynda.
Basmaga çalşarsyñ kalbyñ derdini,
Başagaý günleriñ hysyrdysynda.

Öz bagtyñy özüñ ýatyryp elin,
Nirdesiñ, ne halda bildirmez maña.
Belki bagt taparsyñ, taparsyñ welin,
Bir gün meñ ýoklugym duýular saña...