Kitaplarda gürrüň berilmegine görä, Omar ibn Abduleziz halyf bolanda, takwalardan saýylýan, ýygy gatnaşyk saklaýan dostlarynyň biri bolan Salim Sindini ýanyna çagyryp, ondan:

— Eý, Salim! Meniň halyf bolmagym seni begendirdimi ýa-da gamlandyrdy? – diýip soraýar. Salim oňa şeýle jogap berýär:

— Halk üçin begenýärin, emma seniň üçin gynanýaryn.

— Maňa nesihat ber!

— Uzynmy ya gysga?

— Gysga.

— Şuny unutma: Adam aleýhisselam birje ýalňyşlygy üçin jennetden kowlandyr.

— Boldy, gysga hem gowy aýtdyň.

Omar ibn Abduleziz halyflyk döwründe hemişe ýalňyşmazlyga çalşypdyr.