Hany seniñ söýgä wepañ
Ýok,men indi dolanmaryn
Besdir çeken jebri -jepam
Ýok,men indi dolanmaryn

Mähriñ küýsäp gözlärdim men
Adyñ tutup sözlärdim men
Sen dözseñem ,dözmändim men
Ýok men indi dolanmaryn

Çekip aýralygyñ derdin
Gül ýüzüm galmady ýerden
Ýatlasañam her gün ,her dem
Meniñ göwnüm galdy senden

Geçdi indi o döwürler
Sowuldy duman ,ümürler
Sensizem geçip dur günler
Ýok ,men indi dolanmaryn

Ýalbarma sen,bolmaz haýry
Indi biziñ ýollar aýry
Jogap ýokdur şundan gaýry
Ýok men indi dolanmaryn

Myrat Ömür