Elbetde, döredijilik adamlary kiçijik zatlardan hem uly lezzet almagy başarýarlar. Munuň şeýledigini ABŞ-nyň Aýdaho ştatynyñ ýaşaýjysy Şereli Goward ýene bir  ýola subut etdi. Ol öz howlusynyň içinde ýerleşýän äpet guran bagyny çapyp aýyrmagyň deregine, ony kiçijik, täsin we mugt kitaphana öwürdi.

Ilki bilen Şereli gury şahalaryň gurap gaçýanlygy sebäpli, onuñ ýokarky bölegini doly kesip aýyrdy. Soñra onuň içini oýup kitap goýmaklyk üçin tekjeleri ýasady. Hanym Şereli öz ogly bilen bu baga üçek hem-de aýna gapy goýdylar. Agşamlaryna kitap okamak maksady bilen daragty elektrik yşyklary bilen hem doly üpjün etdiler. Şeýlelikde kiçijik, täsin  bir kitaphana emele gelýär. Hawa, dogrusy kitaphananyň içine girip bolanok emma, ondan okasyñ gelen kitaplary alyp-goýup bolýar. Kitaphana bu golaýdan geçenleriň ünsüni özüne çekýär.

ABŞ -da dolandyrylýan ” Little Free  Library “, ýagny ” Kiçijik mugt kitaphana” guramanyñ agzalary bu kitaphana barada eşdenlerinde tizden-tiz Şerelini öz guramalaryna agza hökmünde çagyrýarlar. Onuñ bu täsin kitaphanasyny guramanyň kitaphanalarynyň sanawyna goşýarlar.

Birwagtky öz saýasy bilen adamlary günden goran bu daragt ýene – de  adamlaryň hyzmatynda. Indi ol döredijilik adamlaryny bir ýere jemleýän we öz kitaplary bilen paýlaşýan daragta öwrüldi.