Dil öwrenmegiň usullary

Häzirki döwürde daşary ýurda gitmekçi bolanyňyzda, şol ýurduň dilini bilmek bilen siz utanman, erkin gürläp bilersiňiz.

Şeýle-de dil bilmek arkaly şol dildäki kitaplary, kinolary we ş.m. kynçylyksyz görüp bolýar. Häzirki wagtda, esasanam, türk, rus we iňlis dilleri has meşhur. Elbetde, «dil öwrendim» diýip, öz ene diliňi hem ýatdan çykarmaly däl.

Bu gün men dil öwrenmegiň usullaryny taýýarlap, size ýetirmegi makul bildim.

1. Öwrenmekçi bolýan diliňizde kino görüň, aýdym diňläň. Düşünseňiz, kitaplary okaň.

Hawa, häzir dil öwrenmegiň netijeli görnüşleriniň biri–şol dilde kitap okap, aýdym diňläp, kino görmek. Şol hereketler arkaly siz öwrenmekçi bolýan diliňiz biraz aňsatlaşar.

2. Jora ýa-da dostuňyza şol dil hakda gürrüň beriň we başardygyňyzdan gepleşige şol diliň sözlerinden goşup gürläň.

Siz öwrenmekçi bolýan diliňizi joraňyz (dostuňyz) bilen gürleşmek arkaly özleşdiriň. Şonda, size dil öwrenmek kyn düşmez.

3.Hemmesi öz wagtynda

Käte, käbir adamlar öz islän dilini tiz wagtda gowy öwrenjek bolýar. Ýöne, «hemmesi öz wagtynda». Siziň öwrenesiňiz gelýän dili, belki,–uzak möhletde öwrenýänsiňiz. Ol siziň başarnygyňyza, ýatkeşligiňize bagly. Dil öwrenmek üçin bellibir wagt belläp, şol boýunça hereket etmek has gowy bolar.

4. Mugt dil öwreniň.

Häzirki wagtda Google we Google Play-da dil öwrenmek üçin müňläp saýtlar we goşundylar bar. Siz şol saýtlar arkaly mugt dil öwreniň. Hem puluňyzy tygşytlarsyňyz, hem öz bellän wagtyňyzda oturyp öwreniberersiňiz. Ýöne, kurslara baryp öwrenmek hem bolar.

5. Maksatlaryňyzy anyk ediň.

Dil öwrenmek ünsden düşürilmeli däldir. Dil aragatnaşyk serişdesi bolany üçin, siziň bilen gepleşik döredýän adamyň aýdýanlaryna düşünip bilmek we dil ulananyňyzda pikiriňizi doly beýan edip bilmek gaty möhümdir. Eger, hakykatdan-da öwrenmek isleýän bolsaňyz–bu siziň esasy maksadyňyz bolmaly. Daşary ýurt dilini diňe ýat tutmak arkaly öwrenmek mümkin däl. Ony iş ýüzünde has köp synap görmeli bolarsyňyz.

6. Öwrenýän diliňize öz ene diliňiz ýaly garaň.

Öwrenmek isleýän diliňizde sözleýän adamlaryň sözleýiş nusgalaryna öýkünmäge synanyşyň. Daşary ýurda gideniňizde, gürläniňizde iberilen aksent bilen başga bir ýurduň raýatydygyňyzy biliner. Şonuň üçin olaryň gepleşiklerini köp diňlemek, sesiň we intonasiýanyň äheňine öýkünmek üçin türgenleşmeli.