“Framing effekti” “frame” sözünden gelip çykyp "çarçuwa" diymegi añlatýar. Iki dürli nukdaýnazardan birmeňzeş maglumat bermek, müşderiniň reaksiýasyny düýpgöter üýtgedýär:

1-nji wariant: Kazyýetde işiňizi çözmek üçin aklawçy bilen habarlaşýarsyňyz. Aklawçynyň çaklamasy: ýeňiş gazanmagymyz üçin 70%. Mümkin, razy bolarsyňyz.

2-nji wariant: şol aklawçy kazyýetde ýeňiş gazanmak mümkinçiliginiň bardygyny, ýöne utulmak ähtimallygynyň 30% -digini aýdýar. Elbetde, birsalym säginersiñiz we oňa gatnaşmagyň ähmiýeti barada pikirlenersiňiz.

Iki wariantda-da size ýeňiş gazanmak mümkinçiliginiň 70%, utulmak ähtimallygy hem 30% diýilýär. Ol ýerde diñe size berilýän nukdaýnazar üýtgeýär.

Adwokat bu işi gozgamak islese, 70% berer. Müşderi hökmünde sizden ýeterlik girdeji gazanmajak bolsa, aklawçy size 30% aýdar. Iki ýagdaýda-da sizi aldamaz.

Çarçuwaly effekt şeýle işleýär.

Haýsy gap-gaç ýuwýan ýuwujy serişdäni has gowy görýärsiňiz?: 99% tegmili aýyrýanmy ýa-da diňe 1% ýag galdyrýan?

Satuwda birmeňzeş köýnekleriň ikisi hem 25 dollara satylýar. Bir köýnek 20% arzanlaşyk bilen, beýlekisi 5 $ arzanlaşyk bilen. Alyjylaryň köpüsi 20% arzanladyş saýlaýarlar.

Iki meňzeş noutbukyň bahasy 2000 dollar. Biri 10% arzanladylan, beýlekisi 200 dollar arzan. Alyjylar 200 dollarlyk arzanladyşy makul bilýärler.

Şonuň üçin hem bu marketingiň möhüm düzgüni: 100 dollardan arzan önüm üçin göterim hökmünde görkezilen arzanladyş has uly bolup görünýär. Önümiň bahasy 100 dollardan ýokary bolsa, dollardaky arzanladyş has özüne çekiji bolýar.