Esger umytlary





Uzakdan ýüregmiň sesin,
Duýup garaşar mähriban.
Toýa netlän ketenisin,
Geýip garaşar mähriban.

Gökde güneş nurun saçyp,
Säher penjiräni açyp,
Saba ýerlerine saçyp,
Ýaýyp garaşar mähriban.

Ýatla:r guşluk güneşlände,
Tylla zülplerin çöşlände,
Maňa tahýa jeşdelelände,
Söýüp garaşar mähriban.

Ýaňagy-al, misli-läle,
Gyz edebi allanäme,
Gelýän gadym dessur-däbe,
Uýup garaşar mähriban.

Bulut göçer, durna uçar,
Yşkym köräp, nurun saçar.
«Iki ýyl hä duýmän geçer»
Diýip garaşar mähriban.


Gurbandurdy Orazow