Beýik Britaniýada iri tokaýlaryň biriniň eýeleýän meýdany soňky 80 ýylda 50% azaldy diýip, "Habar 24" ýazýar.

Häzir Heýwud tokaýynyň meýdany 125 gektary tutýar. Tokaýyň kiçelmegi işjeň oba hojalyk, şeýle hem howanyň üýtgemegi bilen bagly diýip, hünärmenler aýdýarlar.

Heýwudyň ýakalarynda oba hojalyk meýdanlary ýerleşýär, bu topragyň we suwuň hapalanmagyna, biodürlüligiň garyplaşmagyna getirýär. Galyberse-de soňky ýyllarda howanyň gyzmagy we ygalyň azalmagy netijesinde guraklyk artýar.

Tokaýy dikeltmek ugrunda meýletinçiler işleýärler. Olar on ýyl bäri tokaýda agaç oturtmak bilen meşgullanýarlar.