Bir wgtlar bir bäbejik ejesiniň garnynda dünýä gelmek üçin garaşýardy. Wagt sagatlar geçdi.
Dogmazyndan bir gün öň bäbek öz ýaradanyna bilesigelijilik bilen sorady:
- Eý Allam, ertir meni ýer ýüzüne ýollaýan ekeniň. Ýöne men şeýle kiçijik we güýçsüz halym bilen näme ederin?
Ýaradan oňa gudrat dili bilen şeýle jogap berdi:
Sansyz perişdelerimiň içinden saňa birini saýlap aldym. Ol ýerde saňa garaşýar we ol seni gorar.
- Onda Eý Allam, aýtsana, men bu ýerde şükür aýdymlaryny aýdyp, wagtymy gülmek bilen şadyýan geçirýärin. Ol yerde nämeler ederin?
- Seniň perişdäň her günde saňa aýdymlar aýdar we saňa gülüp bakar. Sen bolsa onuň mähir we söýgüsini duýarsyň.
- Adamlar meniň bilen gürleşenlerinde olaryň dillerini bilmesem nähili düşünişerin?
- Seniň perişdän eşiden iň gowy we süýji sözleri söýgi we sabyr bilen saňa aýdar we nädip düşünişmelidigini öwreder.
- Seniň bilen gürleşmek islesem näme ederin?
-Perişdäň maňa nähili el açyp doga tmelidigini öwreder.
- Eşidişime görä ýer ýüzünde erbet adamlar hem ýaşaýarmyş. Meni olardan kim gorarka?
- Perişdäň Men barada gürrüň berer we Maňa giden ýoly görkezer. Şeýlelik bilen Maňa sygynarsyň we bela-beterlerden goranarsyň.
Şol wagt älem ýüzüni rahatlyk gurşap aldy, dünýäden gelen sesler hem eşidilýärdi. Dünýä inmesine sanlyja minut galan bäbejik soňky soragyny-da sorady.
- Eý Alla jan! Men indi gidýärin. Meniň perişdämiň ady nämekä aýtsana?
Yaradan oňa şepagat bilen jogap berdi:
- Onuň ady hökmanam däl. Sen oňa «Eje jan» diýip ýüzlenersiň.

Mähek Myradowa: