PISTOLET



Wah ýaşuly ...
Seň döreden enjamyň
Buşluk bolup,awçylary güldürdi
Ýöne awçylygyň çäginden çykyp
Ençe günäsizi ýere gömdürdi


Buýsanyber nije ýyllar geçsede
Könelmedi onuň "pistolet" ady
Soň dörejek howpdan habarsyz biri
Ylhamyňdan döretdi "awtomady"


Indi ol kiçijek demir enjamyň
Haýaldan özgerip täsiri ösýär
Uzak menzillere salymda ýetip
Ýüzlerçe adamyň deminden kesýär


Haýsy niýet bilen döretdiň diýip
Barardym ýanyňa soramak üçin
Menem götermeli şol zady welin
Maksadym- Watany goramak üçin