Hormat

Ajal gelse ýaşa dolar dideler,
Il-günden hemaýat, kömek ideler.

Her kim ýerli-ýerden işe düzüler,
Gabrystanda ölä gabyr gazylar.

-Hanha yasa gelen goýuny soýuñ,
Köçäñ deşigine asfaltdan guýuñ!

Ol agajy ynha bu ýerik söýäñ,
Derrewjik howlunyñ gapysyn boýañ.

Ýarysyny çapyñ ol duran talyñ,
Jynaza kimleriñ geljegin biliñ.

Bu ýagdaýda hemmä ýetik iş bolar,
Bir gijede hemme işler "daş" bolar.

Wagt, wakalary yza sürsedi,
Bu haly direlip merhum görsedi.

Görerdi ýygnandy dostlañ niçesi,
Arassa howlusy, abat köçesi.

Ol dirikä şu ýerden kän ötüpdi,
Ýagyş ýagsa palçyga-da batypdy.

Bu ýolda kän üstünligin kowupdy,
Gyşda taýyp aýagynam döwüpdi.

Ýol düzeldi emme merhum görmedi,
Tekiz ýolda buýsanyplar ýörmedi.

Olam biz dek adamlaryñ birikä,
Beýle hormat görmän gitdi dirikä.

Bu hala aglamak, gülmek gerekmi,
Hormat üçin hökman ölmek gerekmi?

*awtorynyn kimdigini bilemok