Irden turup, ýorunjany ýygmaly,

Senem tur-da, çaý-suw goýaý, kempirim!

Ýorynjany desselläpjik, bogmaly,

Süsek sygryň özüň sagaý, kempirim!


Soňra arassalap, sygyr ýatagyn,

Syryp-süpürýärin towuk ketegin,

Agyr degjek bolýär igenç, kötegiň,

Gaşyň çytma:n: «Arma!» diýäý, kempirim!

Haýsy işi öň etmeli, duýmaly,

Süýtden gatyk basyrypjyk goýmaly.

Çiggaýmagy ýeke öziň iýmeli,

Maňa-da dadymlyk goýaý, kempirim!


Bizar boldum giç ýatyp, ir turmadan, ,

Öýümiziň parhy barmy türmeden?!

Mydam gybat gürrüňlerden irmediň,

Indi dogry ýola geläý, kempirim!


Ömrümi geçirdim egnimi gysyp,

Senden dynjak boldum, özümi asyp...

Jan süýji, ýetişdim ýüpümi kesip,

Bir pursat dynjymy beräý kempirim.