Meşhur arap atyrlarynyñ müşgi däl
Meýdan gülleriniñ ysy bar sende
Göze görnüp başlan gyzlañ yşgy däl
Ene posalarynyñ ysy bar sende.

Diýsem eger bir bakyşda jan aljak
Artdyrdygym boljak öwdügim boljak
Diýibem biljek däl dilewar alçak
Paýhasly sözleriñ özi bar sende.

Ýygralykmy ýüziñ hem kan ýagty däl
Söýýän diýsem indiden soñ wagty däl
Ýogsa bilýän her ýigidiñ bagty däl
Bir ojak başynyñ közi bar sende

Goşgym ūçin çytylmazmy gaşlaryñ
Oklamazmyñ maña hasrat daşlaryn
Dolanmajak şool on sekiz ýaşlaryñ
Ýitiren zadymyñ wah özi bar sende.