Erbet sözler ömrün iýer adamyň,

Ajy söz güýçlidir,gurşundan,okdan.

Gurşun dek adam öldürmesede,

Daşda duruň,ajy sözi aýtmakdan.

Ýalan sözler ömrün iýer adamyň,

Uzak boluň,gybat bilen töhmetden.

Dil bilen akyly bolmasa adam,

Näme tapawudy bolardy itden.

Mähir bilen dolduralyň göwüni,

Ony doldurmalyň,ýalandan,gepden.

Aladasy ýetik mydam adamyň,

Adam düzülmeli ahlak,edepden.

Uly gürlemäň başarmajak bolsaňyz,

Her söziň yzynda durmagam gerek.

Ençe kynçylyga çydar bedeniň,

Ýöne agyr söze çydamaz ýürek.

Dogry sözle,agyr degsede sözler,

Dogry sözläp gazan,abraý adyňy.

Adamy ýaşatjak söz,bir gün öldir,

Ýagşy niýet adam eder adamy.