Pikirlermiň täsiri ýok arzuwa
Ýatlamalar ölçerip ýör derdimi
Ýalňyzlygyň gujagynda ukladym
Göz ýaşlara beren çagym erkimi

Sakçy bolduň düýşlerime gijeler
Hem ynandym ýorgudyna aşa men
Şeýde - şeýde günlerimden ogurlap
Didelemde gözýaş bolup ýaşadyň

Gözlesegem ýalňyzlygyň çäresin
Tapmadyg-a ezenekden çekeni
Bizi soňsuz kötellere iteren
Aýry ýollar nesibämiz ekeni

Her çak düýnleň gowlygna aldanan
Wysaly ýok arzuwlarym sen hakda
Ýanymdasyň, aňymdasyň elmydan
Ýöne seň ýanyňda men ýokda...

Allanur Çaryýew