Sözüňde many ýok lal aç diýerler

Yöreseň ädimiň az aç diýerler

Dogry ýola gitseň,azaş diýerler

Şonuň üçin her gepläni diňlemäň

Gepçilerdir,zehiniň köýükleri

Islemezler özünden beýikleri

Ýere taşlap ucsaň ähli ýükleri

Ganatyňdan çekjekleri diňlemäň!

Beýik depgin bilen alaňda badyň

Köýdürmek islärler gazanan zadyň

Abraýyňdan öňde ýörese adyň

Lakam bilen ýüzlenjegi diňlemäň

Iliň maslahaty şeýledir meger

Yumak bolup geler,daş bolup deger

Öz kitabyň özüň ýazmasaň eger

Ýalňyşarsyň,özgeler diňlemäň!

Duşmanlaryň ilki geçirer töre

Soňra öz özüňi yöreder göre

Dälini diňleseň diňlegin ýöne

Kalby gatan görüpleri diňlemäň!

Avtory: Durdygylyc Yarjanov