...Öň ýanymdan barýar bir harman çokul,

Ýeňseden kükäp dur gözdäki akyl.

Ýanyndaky goç hem - duran bir nakyl!

Toraňňymy ýatlap,

Ýuwdunşym besdir.

Zyýany ýok! Söýüp gyzlaň naýbaşyn,

Öwrenipdiň dünýäň dürsün, ýalňyşyn,

(Söýmedige düşnüksizdir durmuşyň,

Söýen üçin-

Birje dem alşyň besdir).

Dünýäde

şol Aýal sag gezip ýörkän,

Ýüregim daşdandyr, dagdandyr arkam.

Şonuň aýak yzy toprakda barkan-

Ýeri agyrtmaga

Dözmeýşim besdir...