Her kimem garaşar geljegin bilse,

Gelmejegni bilip,garaşmak söýgi.

Bir günde,bir ömrüň gussasyn çekip,

Ýene,bir söz bilen ýaraşmak,söýgi.

Gabanjyňdan ýersiz ýere öýkeläp,

Gijelerine gamly başyň oýkalap.

Daňa çenli,suratyny sypalap,

El degirmän,daşdan görüşmek,söýgi.

Bir sözde tüsseläp,ýanyp,tutaşyp,

Her göreňde,ýitiren dek tapyşyp.

Şum ajalyň ýakasyndan ýapyşyp,

İň soňky demiňde göreşmek söýgi.