PORSCHE companýasy google bilen hyzmatdaşlygyny giňletjekdigini habar berdi.
Porsche kompaniýasy Google bilen hyzmatdaşlygy giňeltmek isleýändigini we öz awtomobillerinde Google ekoulgamynyň programmalaryny ulanmak meýilnamalary barada habar berdi.
Brendiň täze awtoulaglarynda Google Assistant ses kömekçisi we Google Maps nawigasiýasy peýda bolar. Şeýle-de, Porsche awtoulaglarynyň maglumat ulgamynda Google Play programmalar dükany elýeterli bolup, onuň üsti bilen programmalary gönüden-göni awtomobil ulgamynyň ekranyna gurnap bolar.
Şol bir wagtyň özünde esasy kompaniýa Volkswagen öz programma önümlerini işläp taýýarlamagy dowam etdirýär, ýöne häzirlikçe kynçylyklar bilen ýüzbe-ýüz bolýar. Aýratynam, Volkswagen-iň programma üpjünçiligini üpjün ediji bölümçesi Cariad-da 2000-e çenli işgäri azaltmakçydygy belli boldy, bu hem konserniň täze programma üpjünçiligi arhitekturasynyň işe giriziljek senesine ýaramaz täsir edip biler.
Google kompanýasy ýuwaş ummanyň düýbünden internet kabelini geçirdi...
Alphabet-iň düzümine girýän Google kompaniýasy Ýuwaş ummanyň jümmüşine düşüp, sekiz sany çet ýurdy suwasty kabelleriniň kömegi bilen sanly dünýä birikdirmekçi bolýar. Bu ABŞ bilen Awstraliýanyň bilelikdäki işi diýip, ferra.ru habar berýär.
Tiz wagtdan Ýuwaş ummandaky Mikroneziýa, Kiribati, Marşal adalary, Papua-Täze Gwineýa, Solomon adalary, Timor-Leşti, Tuwalu we Wanuatu adalary ýokary tizlikli Internete elýeterli bolarlar. Awstraliýanyň we ABŞ-nyň hökümeti bu taslama, degişlilikde, 50 we 15 mln dollar maýa goýýar.
Google-yň global aragatnaşygy üpjün etmek missiýasy Ýuwaş ummanyň tolkunlarynyň astynda sanly landşafty üýtgetmäge, kiberhowpsuzlygyň durnuklylygyny ýokarlandyrmaga we bu ýurtlaryň dünýä bilen aragatnaşygyny üpjün etmäge gönükdirilendir.
GOOGLE CHROME brauzeri ulanyjylaryñ 10müñ ýyldan gowrak wagtyny tygşytlady...
Google Chromium-y işläp düzüjiler topary Google Chromium brauzerine soňky birnäçe ýylda onuň gowulaşmagy üçin edilen işler barada blogda ýazdylar.
Windows 11-de, esasanam, Windows 11-iň Efficiency Mode “netijelilik režimi” diýlip atlandyrylýan üçin goşmaçalar girizildi. Aýratynam, Firefox, Chromium-a däl-de, Gecko hereketlendirijisine esaslanýan bolsa-da, bu režimi goldaýar.
Google-yň belläp geçişi ýaly, Chrome-da sahypa ýüklemek öňküden ortaça 166 ms çalt amala aşýar. Munuň ujypsyzja gowulaşma ýaly bolup görünmegi mümkin, ýöne ownuk üýtgeşmeler jemlenip, internete ep-esli täsir edip biler.
Işläp düzüjileriň batyrgaýlyk bilen aýdyşy ýaly, Chrome ulanyjylaryň sahypalaryň ýüklenmegine garaşmaly boljak 10 000 ýyldan gowrak wagtyny tygşytlady, şeýle hem saýtlaryň jogap bermegine-de olar 1200 ýyl garaşmaly bolardy. Mundan başga-da, bu san maglumaty Windows kompýuterlerinde we Android esasly enjamlarda 2023-nji ýyldaky görkezijileri göz öňünde tutýar - Windows-da 2 müň ýyl, Android-de 8 müň ýyl tygşytlanýar.
GOOGLE ulanyjylary parollary aýyrmaga çagyrýar...
Google kompaniýasy ulanyjylary adaty ýagdaýda «parolsyz parol döretmäge» işjeň höweslendirip başlady. Gürrüň hasabyňyza «has çalt we has ygtybarly girişi» üpjün etmäge niýetlenen giriş açarlary hakda gidýär.
2023-nji ýylyň 10-njy oktýabryndan başlap Google öz hasap ulanyjylaryna hasaby üçin deslapky açary döretmegi teklip edýär.
Google-yň düşündirişi ýaly, açar sözler parollara ýönekeý we ygtybarly alternatiwadyr. Olar barmak yzyňyzy, ýüzüňizi tanamak ýa-da PIN ýaly enjamyňyzyň ekrany açmak usuly bilen Google hasabyňyza girmäge rugsat berýär.
Şol bir wagtyň özünde ulanyjylar henizem adaty parollary ulanyp we hasabyňyz üçin “Mümkin bolsa parol soramaň” opsiýasyny öçürip, giriş açarlaryny ulanmakdan düýbünden ýüz öwrüp bilerler.
@tmcars.info
