Mährem jemalyñy gözleýär gözüm,

Men saña garaşýan,niçün gelmeýäñ?

Elimde bägülim,dilimde sözüm

Men saña garaşýan,niçün gelmeýäñ?

Sensiz bu ýollarda üşeýär ýürek,

Kalbymy çoýmaga gujagyñ gerek.

Özge hyýallara akmaga derek

Men saña garaşýan,niçün gelmeýäñ?

Erk gerek sagatlap dik durmaga-da,

Syrlarym sözleýän ýaşyl baga-da.

Kä ýollara bakyp,käte sagada

Men saña garaşýan,niçün gelmeýäñ?

Intizaram saña,söýen gyzyma,

Duýgym beýan etsem çöküp dyzyma.

Garap saga

sola

öñe

yzyma

Men saña garaşýan,niçün gelmeýäñ?

Jañ aýlap eliñe,alman netije,

Käte atan bolýan özümçe bije.

Sagat 1-iñ ýary,bolupdyr gije

Şonda-da garaşýan,a sen gelmeýäñ.

Awtor:Halylmuhammet