Eli dutarly bir ýigit Marynyň “Ýolbarsly”
çaýhanasynyň ýanyndan geçýän köçäniň
gyrasynda durdy. O ýigidiň gözleri ýanýardy,
aýratyn bir timar berlen şar gara murty şöhlelidi.
Uzakdan generalyň paýtuny göründi. Ýaňky ýigit
köçä has ýakyn durdy we gözlerini paýtundan
aýyrmady.Paýtunyň yzky oturgyjynda sary
gulpakly rus gyzy töwerege bilesigeliji garap otyr.
O gyz ýigidi görenden ýylgyrdy, ýigidem oňa
mährem ýylgyryp bakdy-da “sag bol” diýýän ýaly
edip elini salgady. Gyzam ýylgyrdy. Baş
atdy.Paýtun uzakda gözden ýitdi. Beýle pursat
soňam birküç gezek gaýtalandy.Ýigit sary
gulpakly general gyzyny göresi gelip, özge
dünýäden sowap başlanyny hem duýmady.Bir gije
“Ýolbarsly” çaýhanasynda gözlerini ýumup, ,
“Gözelim” diýen aýdyma gygyryp otyrka, birden
gözlerini açdy weli, gapynyň bosagasynda şol sary
gulpakly gyz ýylgyryp dur. Bagşy aýdymyny
kesdi.Ýerinden turdy.Gyz ylgap geldi-de bagşynyň
golundan tutdy.--Sen beýik bagşy.Adyň näme?
--Garly.
--Karli, meniň doglan günüm şu aýdymy aýdyp
berermiň?
--Çagyrsaňyz aýdaryn.
--Men seni çagyrýan. Juma güni agşamlyk
hökman bize gel.
Sary gulpakly gyza ýakyndan bakyp, onuň
erem bagy ýaly ýakymly ysyna aklyny ýitirip duran
bagşy özüni bütinleý unutdy. Töwerekde aýdym
diňläp oturan märeke-de bu wakany görüp geň
galdy.Şo mahal general gaharly ýöräp jaýa
girdi.Hiç kime garaman, göni gelip, gyzynyň elini
bagşynyň elinden siltäp aldy-da, daşary ýöräp
ugrady.Gyz öýden çykýança bagşydan gözüni
aýyrmady.
--Kaka men bagşyny doglan günüme çagyrdym.
Ol hökman bizde aýdym aýdar .General geplemedi. Zarply ýöräp, gyzyny süýräp
diýen ýaly idirrikledip çykdy gitdi. Paýtuna
münensoňlar general gaharly bolsa-da özüni
saklady.
--Gyzym, sen meni masgara edýäň. Saýrylar
bilen beýle gepleşmek bolmaz.Seniň aklyň ýetmeli
ahyry.Wagşylykdan saýlanmadyk sürä ýakyn
durmak bolarmy?!
--Kaka! Beý diýme! Türkmenler paýhasly
halk.Siz olary gyryp, watanyny elinden
alypsyňyz.Men Merwe gelenim bäri olaryň dilini
öwrenýän. Ýaňky sazy bir diňlän bolsadyň, kaka! O
bagşy hem beýik bagşy…
--Gyzym, rahatlan. Ýene bäş-alty aýdan biz
Peterburga döneris. Fransuz dilinden sapaklaryňy
dowam edersiň, piano çalarsyň.
--Maňa türkmen dilinden başga zat gerek däl.--Sen kakaňy bütinleý äsgermän başladyň, Şura
jan. Sen biziň ýeke-tägimiz ahyry. Ähli zat gül
ýaly bolar, meniň gumrujygym.
--Elbetde.Ýöne meniň doglan günüm o bagşy
hökman aýdym aýdar.
General dymdy. Öýlerine gelenlerinde gyzyny
paýtundan düşürip, paýtunça bir zatlar pyşyrdady.
Paýtunçy:”Bolýa,bolýa” diýip baş atdy-da paýtuny
göni “Ýolbarsly” çaýhanasyna baka sürüp gitdi.
Çaýhana baryp bagşynyň gulagyna bir zatlar
pyşyrdady-da ýom-ýok boldy.
***
Anna güni gelip ýetdi.Kakasy bu gün adaty
günlerden has ir işe gitdi. Sary gulpakly gyzy ony
görmän galdy. Günortan hem kakasy nahar iýmäge
gelmedi. Şura muny ýagşylyga ýormady. Öýländen
başlap gaty birahat hereket edip başlady. Tız-
tizden howlynyň daşyna çykyp, ýola uzak-uzak
garap başlady. Ejesi muny göz astyndan synlasa-da
bilmedik-duýmadyk boldy.Şura uzak takat edip bilmedi. Öý hyzmatyny edýän
bir oglana pişigiň gulagy ýaly kagyzjyk berdi-de:
“Şu haty nirede bolsa tap-da Karli bagşa tiz
gowşur” diýip berk tabşyrdy. Hyzmatkär Garly
bağşyny “Ýolbarsly” çaýhanasyndan tapman öýüne
bardy.Haty gowşurdy. Garly bagşy bukjany açyp:”
Karli salam. Men seniň geleriňe sabyrsyz
garaşýan.Tiz gel. Men seni söýýän” diýen ýazgyny
okady.Ýüzi gyzyp gitdi. Onsoň özi bir kagyzjyga
bir zat ýazdy-da hyzmatkäre uzatdy.Az wagtdan
hyzmatkär ýaňky bukjany Şura gowşurdy.Hatda
şeýle ýazgy bardy:”Şura salam.Men hassalygym
sebäpli ýaş toýuňa baryp bilmeýärin. Sen meni däl,
başga bir rus ýigidini söý.Men seni söýüp bilmen.”
Şura bu ýazgyny okandan:”Ýalan.Ýalan.” diýip
gaty gepledi. Derrew paýtun taýýarlamany
hyzmatkäre buýurdy-da az salymdan geýnip,
paýtuna münüp gitdi. Ejesi, biçäre, gyzynyň bu
howsalasyny gördü-de ýene sesini
çykarmady.”Gyzyma bir bela ýolukdy öýdýän”
diýip oýlandy.Ýolda Şura paýtunça birküç
gezek”Bolsana!Bolsana! Gamçylasana!” diýip,
ikiýana bakdy gitdi.Paýtun Garly bagşynyň
howlusynyň deňinde durdy weli, Şura uzyn
köýneginiň etegini çekip, örän tiz düşdü-de hiç bir
çekinmesiz, göni howla girip gitdi. Bu howla öň
gelip ýören ýaly, beletlik bilen, Garly bagşynyň
bolýan otagynyň gapysyny açdy-da “Karli!Karli”
diýip, otaga kürsäp girdi. Şurany gören Garly bagşy
tiz ýerinden turdy-da Şura baka bir ädim hem
ätlemänkä, Şura ony gelip gujaklady, maňlaýyny,
çekgelerini gyzgyn aýasy bilen sypaşdyrdy, ýanyp
duran gözlerini Garly bagşa dogrulady.
--Sen meni söýýäň-ä.Gözleriňden okaýan. Janyň
sag ekeni,Hudaýa şükür.
Bu arada Garly bagşy Şuranyň gujagyndan
çykjak bolup, ysgynsyz-göwünsiz hereket
etdi.Bolmady.Bir zatlar diýjek
boldy.Bolmady.Şuranyň köz ýaly bedeni onygysyp-gowrup , aňkasyny aşyryp barýardy. Şura
bolsa aldygna samraýardy.
-- Sen maňa kakamyň öwreden zatlaryny aýtma.
Seniň adyňam owadan ahyry,Karli. Sen meni
söýýäň-ä. Başga zatlar hiç zat. Söýgi ikimizi-de
halas eder. Men diňe seni görýän, maňa başga
dünýä gerek däl. Hany geplesene,
dymmasana.Seniň gözleriňden men köp zat
okaýan.Maňa şo gözleriň ýeterlik, Karli.Ağşam
hökman bize gideris, başga gep ýok.
--Kakaň razy bolarmy?- Garly bagşy pyşyrdap
sözledi.
-Brawo.Razy bolar, razy bolar.Men onuň ýeke-täk
perzendi ahyry. Sen diňe meniň aýdanymy et,
kakamyň oýunlaryna goşulma. Hazir gidýäs,
ezizim. O meni henizem çagadyr öýdýär. Sen bizde
şo aýdymy aýt, ýene näme aýdym bilýän bolsaň
aýdarsyň. Karli! Karli! Sen tolgunma, çekinme.
Ähli zat biziň isleýşimiz ýaly bolar.Sen meniň
dünýäm ahyry.Garly bagşy çekine-çekine Şura gyzyň altyn
reňkli, burum-burum saçyny emaýja sypap-sypap
goýberdi welin,Şura bu bagtyýarlygyna çydap
durup bilmän, beýlede söýelgi duran dutara
okduryldy.
--Ýör-ýör, häzir gideli.Men seni ejem bilenem
tanyş etmekçi. Ejem örän gowy adam. Ol kakama
aýdanyny etdirer.Ikimizi goldar.
--Sen gaty görme, Şura.Men generaldan
çekinýän. Seniň doglan günüňde Size barmaryn
diýip söz beripdim.
--Beýle zatlar kakamyň oýunlary. Hiç
çekinme.Men ýanyňda ahyry.Onsoňam biz günäkär
däl ahyry.
Şura Garly bagşynyň elini gysyp yzyna tirkäp
barýarka, Garly bagşynyň beýlede ýatan ak
telpegini hem ýüzugra garbap aldy-da Garly bagşa
geýdirdi. dowamy bar...
awtor;Oraz Yagmyr
