Suratyñ öñinde
Döz gelmedim ýowuz gelen täleýe
Ejizleýäñ, diýip maña käýýeme
Gözlem gözýaşyma indi däl eýe
Ýüregimiñ bagyndan üzüldim eje.
Ãhli zat üýtgedi horlandy ogluñ
Ozalkylar ýaly ýok indi dogmum
Kän bir şatlanmana ysanok bognum
Duýgularym saz däl pozuldum eje.
Gadyryñ, gymmatyñ bildim gijiräk
Özümi ýigrenýän käte däljiräp
Bergimiz sebäpli bolduk ajyrak
Ýöne sen bar wagtyñ hezildi eje.
Indi ne bergi bar nede bir algy
Geljegimi tapmaga gerek däl salgy
Ajal bilen menem öñden adagly
Agyr meseledim çözüldim ejee.
Kellämiñ içinde bar ýaly gurşun
Halamok şu günler ýüregimiñ urşun
Saña geñ bolmasyn müzzerip durşum
Sen gideliñ bäri ezildim eje.
Ýazmyrat Çörli