Türkiýäniň Kaýseri şäheriniň ýaşaýjysy öz öýüni abatlaýarka, onuň astyndan ýerasty şäher tapdy.

Ylmy barlaglar netijesinde, häzirkizaman binanyň aşagyndan azyndan iki sany özbaşdak gat tapyldy, olar ötükler bilen birleşýärler. Tapyndynyň ýaşyny 2 müň ýyl diýip bahaladylar diýip, "MIR 24" ýazýar.

Ýerasty şäheriň uzynlygy 150-200 metr çemesidir. Öýüň eýesi ilkibaşda bu ýeriň taryhy gymmaty barada pikirem etmändiklerini aýdýarlar. Olar ýerasty giňişlikleri saraý hökmünde ulanyp, oňa çyrasyz girmäge gorkupdyrlar.

Geçen ýüzýyllyklaryň dowamynda ýerasty zolaklar zibilden dolup gidipdir. Häzir onuň diňe üstki gatlagy arassalandy. Öý eýesi ýerli häkimiýetleri doly gazuw-agtaryş işlerini geçirmäge çagyrdy diýip, DHA habar gullugy habar berdi.

Kaýseri şäherine gadymy döwürde Kesariýa diýlipdir. Ol Rim ülkesiniň merkezi bolupdyr.

Arheologlar ýerasty şäheriň gurluşyk tehnologiýasynyň, otaglaryň meýilnamalaşdyrylyşynyň we bölünişiniň uly gyzyklanma döredýändigini aýdýarlar.