Ýüregiňe düşündirip bolanok,

Seni çyndan söýýändigmi bildiňmi?!

Agyr hasratyňdan dynyp bilemok,

Söýgiň kalby gyýýandygny bildiňmi?!

Kän gezekler dogalarda dilenen,

Şeýdip, söýgiň ýürekleri dilinen,

Meni ýeke ýylgyryşyň bilenem

Agyr derde goýýandygňy bildiňmi?!

Çydap bilmän görgüsine görgüleň,

Söýgüsinden geçýänleri gördügem,

Gelse, senden gelsin gaýgy-derdimem,

Seni ömrüm saýýandygmy bildiňmi?!

Durmuşda kän boldy, bolar şol entek,

Gyzyň söýgüsini gora hem erk et.

Ýokdur çyn söýgüde çekilen serhet,

Söýgiň maňa aýandygny bildiňmi?!

Ýokdur biziň üstümize sürünjek,

Ine, basym toýumyzam guruljak,

Aýdanlarym däldir oýun-oýunjak,

Ýüregimden diýýändigmi bildiňmi?!

Goşmyrat Orazberdiýew