Arzuwly söhbet...

Salam saýtdaşlar we myhmanlar. Kyn pursatlardan ýeňil çykalga tapmak ukyby her bir ynsana berilenmikä diýýän. Ýöne kyn pursatda özüňe we içki intuisiýaňa ynanmak has möhüm. Geliň häzir durmuşda bolup biläýjek, käbirlerimizde bolsa belki bolmajak ýagdaýlardan çykalga tapmaga synanyşalyň. Gyzlaram jogap berip biler. Ýöne bu blogy ýönekeý degişme görnüşinde kabul etmegiňizi haýyş edýän. Aşa realist, serýozny adamlara bu blogy okamagy maslahat beremok.

1. Aýdaly siz iki gyz (oglan) bilen söýüşýäňiz. Olaryň biri bilen kafe girdiňiz. Otyrkaňyz beýleki söýgiliňiz geldi. Näme ederdiňiz?

2. Söýgiliňiz bilen naharhana girdiňiz. Naharhanaň eýesi kartdan söwda edýändigini aýtdy. Ýanyňyzda nagt pul ýok. Iýip-içip bolduňyz. Kartyňyzy uzatdyňyz, (Demirindenmi ýa kömürindenmi belli däl) terminal siziň kartyňyzdan pul çekip bilenok. Naharhanaň eýesi kartyňyz işlänok nagt töläýiň diýdi. Çykalga tapaweriň.

3. Söýgiliňiz bilen el tutuşyp gelýärkäňiz (belki gujaklaşyp durkaňyz) sambist agasy gabat gelse. Bu ýagdaýda siziň özüňize ynamyňyzam, intuisiýaňyzam kömek etmez. Siziň hereketiňiz.

4. Siz ulanylan telefon satyn aldyňyz (aýdaly tmcars-dan). Satan adam telefonyň korobkasy zady ýok, ýöne özümiňki diýip ant içdi. Siz ynandyňyz. Telefony 1 aý ulandyňyz, sizi polisiýa çagyrdy. Telefon ogurlyk ekeni. Polisiýa siziň aýdan adamyňyzy tapyp bilmedi. Olar sizden güman edýär. Günäsizdigiňizi subut ediň.

5. Siz Nýu Ýorka syýahata gitdiňiz. Ýolda uçar heläkçiligine duş geldiňiz. Diri galdyňyz. Jeňňelde sizi ýabany indeýler halas etdiler. Indeýleriň baştutany size özüne durmuşa çykmagy (aýal baştutan özüne öýlenmegi) teklip etdi. Razy bolsaňyz indeýleriň iň abraýlysy bolarsyňyz, garşy bolsaňyzam mangal taýyn şaşlyk bolarsyňyz. Aşpez indeý marinowat etmäge zat gözläp ýör. Tizräk bir karara geliň.

6. Bu sorag üçin öňünden ötünç soraýan. Öýde ýeke özüňiz, hajathana girdiňiz. Işiňizi gutaryp seretseňiz düýnki goýan bitin bumagaňyz gutarypdyr. Sögündiňiz, gygyrdyňyz, aý bular bumaga iýýämi diýdiňiz, teke bazaryňkyda-da günde munça gidýän däldir, ogurlap äkidip satýalarmy bular diýip gygyrdyňyz. Peýdasy ýok. Şunça wakalardan baş alyp çykdyňyz, mundanam üstünlikli geçjegiňize ynanýan. Baş alyp çykyň ýöne soňky soragyň jogabyny bärik ýazyp otyrmaň..