Eger hemme zady pul çözýän bolsa,

Ýurdy üçin näçe gerçek ölüpdir.

Şolaryň haýsysy mertligi üçin,

Ýa-da ömri üçin töleg alypdyr.

Eger hemme zady pul çözýän bolsa,

Munda näçe ynsan dünýä gelipdir.

Şolaryň haýsysy emen süydüniň,

Hakyny doluça töläp bilipdir.

Eger hemme zady pul çözýän bolsa,

Haýsy baýyň bakylygny gördüňiz.

"Munda hemme zady pul çözýär"diýip,

Baý bilen garyby ýandaş gömdiňiz.

Eger hemme zady pul çözýän bolsa,

Pul aýlardy häzir ertäni,giji.

Käbir zatlar satylmaýar hiç pula,

Puluň arzan zada ýetýändir güýji.