Ýagyş ýagýar boz topragy köweläp,
Onuñ damjalary sowukdy şeýle.
Ýel öwüsýär bulutlary kowalap,
Gör nirä alñasap barýarka beýle?

Bulutlardan ýagmyr ýagýar syrylyp,
Ýatladýar ol geçmişiñi kä mahal.
Ak damja siñýär topraga garylyp,
Damjalardan terlenýändir gök nahal.

Ýagyş çisñäp ýagýar henizem dynman,
Kä peselip kä-te goýaýjak ýaly.
Emma ol diñmeýär zeminem ganman,
Bar ýagany kemter bolaýjak ýaly.