Dem alýan we derleýän robot öndürildi

Alymlar ANDI robotynyň ýylylygyň adam bedenine nähili täsir edýändigine has gowy düşünmegine kömek eder diýip umyt edýärler.

Amerikanyň «Thermetrics» kompaniýasy Arizona döwlet uniwersitetiniň alymlary üçin dem alýan, derleýän we titreýän robot öndürdi.  Bellenilişi ýaly, ANDI diýlip atlandyrylýan we der öndürýän gözenekli robot aşa gyzgynlygyň adam saglygyna ýetirýän täsirlerine has gowy düşünmek üçin işlenip düzülendir.

Egin-eşik öndürýän  kompaniýalar tarapyndan eşikleri synap görmek üçin derleýän robotlar ulanylýar, emma ANDI açyk howada ulanyp boljak ýeke-täk robotdyr. Bu oýlap tapyş, öň mümkin bolmadyk aşa yssy şertlerde synag geçirmäge, şeýle hem gün şöhlesiniň täsirini öwrenmäge mümkinçilik berýär.