Seňem bir gün içiň gysar, görersiň...

Seňem bir gün içiň gysar, görersiň,
Duýarsyň bir zadyň ýetmeýänini.
Alyslara dikip gamgyn nazaryň,
Hemem kem görmersiň geplemäniňi.

Göwnüň isleýäni, gözden sowaşyk,
Akyly gözünde jemlenen dünýäm,
Indi gaýdyp duşmajaga duşanňa
Düşünersiň sen hiç zada düşünmän.

Ajap, aýny wagty ýigrim bir ýaşyň,
Ýatladýan mahalyň ýuwaň seçegin,
Hakyda basylan möhür hasaplap,
Birin-birin ýatlar bu aň geçeni.

Baslygyp, berçigen arzuwlarymdan,
Bir saňa orun bar ýeke serimde.
Sen welin, söýemok diýýäň, geregim,
Ýöne jaň aýlaýaň ýekesiräňde.

Hoş geçen günleriň hatyrasyna,
Elenipler hötjetligňi gömersiň.
Alyslara dikip gamgyn nazaryň,
Seňem bir gün içiň gysar, görersiň!

Myrat Gurbanow