Otludaky tanyşlyk

Salam agzalar, gowumy işleriňiz, görýän düýşleriňiz, sagdyn dişleriňiz bar wagty gadryny biliň, süýji zatlardan saklanyň. Şokolatdan, buzgaýmakdan, tortdan we Massimusdan uzagrakda boluň. Bu dört görnüşli süýjilik siziň saglygyňyz üçin zyýanlydyr. "Bal süýji, baldan balam süýji" diýilşi ýaly gyzlar süýji zatlary gowy görýärler. Menem süýji bolamsoň mydama gyzlardan daşrak durmaga synanyşýan. Sebäbi men olaryň saglygy üçin zyýanly. Süýjiligim zerarly bir ýerde köp otursam meni garynja basýar. Daşarda arkaýyn gezip bilemok, meni balary kowalaýar. Irden bakalyma kofe atýan, şeker gerek däl, barmagym bilen bulasam ýeterlik, Meň adymada ilki Şekerçiňrik goýjak ekenler, soň özem süýji, adam süýji bolsa ajylaryň gözi deger diýip göwnemändirler. Gyzlar bilen söýüşenimde olar maňa Bauntim, Snikersim, Kinder sýurprizim, Rafaellam diýýärdiler. Bir gün seni iýerin diýýärdiler, men mydama gyzlaryň lýubimçigidim, olaryň nomer odinidim, ýeketägidim, Bir gün bir gyz meniň ýaňagymdan ogşajak diýip halys goýmansoň rugsat beräýdim. Ogşamasyna ogşady, ýöne süýjiň derdinden dodagy ýüzüme ýelmeşip galdy, Doktora bardym, olam bul oglan garrap süýjisi gidensoň aýrylaýmasaň biziň elimizden geljek zat ýok diýdi.

Garaz, Zoluşkaň aýdyşy ýaly: "Arzuw etmäg-ä hiç kim gadagan edenok, şoňada şükür"!

Arzuw edip bolan bolsak mowzuga başlaýaly. Bir güni iş bilen Aşgabada ugramaly boldy. Otla mündüm, ýerleşdim. Bir owadan gyz gelip

-Bagyşlaň, meň ýerim 3-nji polkadan, siziňki 1-nji eken, ýokary çyksam ýüregim bulanýar (seňkem bulanýan bolsa o seň öz problemaň), ýerimizi çalşaýaly eger mümkin bolsa (özüňem çmorak oglana meňzeýäň, men ýaly gyz-a düýşden bärde gören dälsiň, agzyň suwuny akdyryp otyrsyň) diýdi. Menem oňa

-Bolýa, bolýa men özi ýokarda ýatmany gowy görýän (şu gyz bilen tanşyp biläýsem, 3-nji polkadan aşak gaçsamam razy).

-Waý sag boluň, sizede azar boldum (garagyň aksyn).

-Bolýa, bolýa men özi ýokarda ýatmany gowy görýän (bolmanda sözleň ýerini bir çalyş).

-(Ýokarda ýatmany gowy görýän bolsaň, çykda ýokary, agzyň açyp oturmada) Sag boluň!!

Men ýokary çykdym, ýerleşdim, biraz irkilipdirin. Gykylyga oýanaýdym. Ýanymyzdaky daýza ol gyza jan edip bir zatlar düşündirýär. Emma ol gyza zat düşündirip boljak däl.

-Gyzym özüňem 25 ýaşapsyň, senem birine egri, birine dogry diýip ýörmäni durmuşa çykmaly ekeniň.

-Aý daýzaşka, erkek barmy häzir, erkekleriň bary 41-45-de gyryldy. Häzirki erkekleň gyzlardan ýekeje tapawudy bar, boldy.

-Ýekeje tapawudy nämekä?

-Aý nemedä, şozatda.

-Waý näme zatda?

-Gel gulagyňa aýdaýyn daýza (......)

-Waý toba, sen durmuşa çykmany o zatlary nirden bilýäň?

-Erkekleň bary bir gör. Haýsyny görmeseň şo gowy.

Men ýatyp bilmedim, ýuwaşlyk bilen aşak düşdüm. Ol gyz maňa seredip

-Siziň haýsy biriňiz gowy, bu gün birine söýýän diýýäňiz, ertir ýene birine, soň başga birine, dogry dälmi?

-Dogry däl, hemme oglanlary birmeňzeş diýip bolmaz, gyzlar ýaly olaram dürli-dürli.

Ol gyz biraz köşeşen ýaly göründi.

-Hemme oglanlar diýjek bolamak (bul oglan görnüşi ýaly samsyk däl öýdýän), siz gaty görmäň.

-Ýok, gaty göremok.

-Meň adym Güljemal!

-Massimus!

-Owadan adyňyz bar eken (Muny ol aýtmaly dälmi, aý bolýala).

-Okaýaňyzmy, işleýäňizmi?

-Ejeme kömekleşýän.

-(Haýsyň düşündiň näme diýdäý bi? Täzeden soraýsammykam) -Ejeňiz okaýamy, işleýämi?

-Ejem jygyllykda eşik satýa, şoňa kömekleşýän.

-Menem ýanyňa işe alaýda.

-Sen o taýda işläp bilmersiň, biz köplenç beýleki eşikleri satýas.

-(Beýleki eşikler nähili bolýaka? şu Aşgabada her wagt gelip durmalow, 1 ýyl gelmeseň, köp zatdan yza galýaň) Beýleki eşikler, geýilen eşikler bolýarmy?

-Ýok how (Sataşdym öýdýän, nädip düşündirsemkäm). Gel gulagyňa aýdaýyn.

-(Wiýýý, hääää, o-my, utançsyz gaty utandyrdy meni, waý kolhoz) Wiýýý, hääää, düşündim.

-Gel saňa gyzykly sorag bereýin.

-Ok.

-Bir gyz bir oglany söýüpdir, olar şähere okuwa ugrapdyrlar. Gyz otla bilet alypdyr, oglan alyp bilmändir. Şonda gyz oglana

-Ikimiz bir ýerde ýataýaly, aramyza ýassyk goýaýarys diýipdir.

Oglan razy bolupdyr.

Bular okuwa giripdirler, okuw jaýynda umumy ýaşaýyş jaýy ýok eken, ikisi kwartira alypdyr. Kwartirada bir krowat bar eken. Ýene gyz oglana

-Ikimiz bir krowatda ýataýaly, aramyza ýassyk goýaýarys diýipdir.

Bir gün bular kino gidipdirler. Meň maňlaýym ikidir............diýlişi ýaly kinoda bir bilet galypdyr. Şonda oglan

-Sen biledi alda giriber, men haýatdan aşaýaryn diýipdir.

Şonda gyz oglana bir zat diýipdir, ol oglan utanjyna soň şol gyza görnüp bilmändir.

-Jogabyny tapsam nomeriňi berermiň.

-Gowuja pikirlen, menem pikirlenip görerin.

Elbetde Massimus bu soragyň jogabyny tapdy, nomerinem aldy. Ol gyz bilen gyzykly wakalaram köp boldy. Muny gürrüňiň dowamynda bileris elbetde...