Serçeler saýraşýar ikindi çagy
Olar duşuşygyň gybatyn edýär
“Seni çykarmasak boljak däl” diýip
Ýerde duran juwan gyza seredýär

Gyz şeýle gyzarýar, onuň al reňki
Asmanyň ýüzüne ýaýylyp gidýär
Eli gül çemenli şadyýan ýigit
Gyzyň elin tutup, seýle äkidýär

Aşyk ýigit “Biz asmanda” diýensoň,
Olaryň ýoluna düşýär ak bulut
Magşuk gyza uzak wadalar berýän
Ýigidi ýalançy etmejek bolup

Onsoň olaň ýoly bulutdan ýaňa
Akmaýaň ýoly deý barha ýagtylýar
Ertekini gürrüň berseň beriber
Söýgiň soň erteki bolmasa bolýar

Bägül Ataýewa