Ýaşlygyñ ÿúki

Gyşda gar ýapynyp ýazyna gülläp

Agyr zähmet bilen dem alýar lebap

Urş ody bolsa ýanýardy lowlap

Ýarym ýalañaçdym ýarym açdym men

Oňa derek gör nahili ýaşdym men

Gelmesede topuň tüpeňiň sesi

Çañap durdy amyderýaň depesi

Kä surnugyp käte dürsäp nepesi

Paý pyýada menzillerden açdym men

Oňa derek gör nähili ýaşdym men

Dyz eperdim selpäp ýadalananda

Giň çölüñ adamsyz adalarynda

Ömrümiň hatarsyz ýodalarynda

Hut ajalyň özünede duşdym men

Emma ýan bermedim sebäp ýaşdym men

Egninde ýönekeý alaja köýnek

Özüde durşuna görk bilen görmek

Başlandy şol gyzyň yşgynda köýmek

Gündizi gijesi bir beýhuşdym men

Sermestdim men tarhandym men ýaşdym men

Aýlar günler aýak çekmän ýöräp dur

Ýatlanymda şindem süňňüm eräp dur

Indi ol gyz o dünỳäden garap dur

Ykbalyň oýnuna bialaçdym men

Çydapdyryn şükür hernä ýaşdym men

Ýaşlyk ýarym asyr yzymda galdy

Armanym şol söýen gyzymda galdy

Diňe akyl-huşum özümde galdy

Baş çykaryp bilmän halys çaşdym men

Goja boldum a nähili ýaşdym men

Berdinazar Hudaýnazarow.