Seni söýüp
Seni söýüp ýetdim uly mertebä,
Kän şygyrlar ýazdym, aklym alan ýar.
Şahyr diýip bilinemok enteg-ä,
Il içinde “Daňňy” diýip tanalýan.
Ýola çyksam, aýdym aýtdym höwesli,
Bu duýgyny rowa görmän her kime.
Maňa birje ýyly sözleriň besdi
Hemem “göz”, “dil” degmese bor görküňe.
Sözlük gorum gutarypdyr gepläre,
Ýar edinip söýgi atly kärimi.
Gözläp ýörün sözlemlemmi sepläre
Sintaksisiň dördünji bir tärini.
Aýdyp ýörün menem şol bir sözleri,
Bolmadymy söýgä delil ederlik.
Öz erkine goýbereli gözleri,
Bize düşnüşmäne şo-da ýeterlik.
Hawa, gözler sagdyn bolsun elmydam,
Duýgulammyz asla yza tesmesin.
Ýüreklerde hyjuw barka bir mydar,
Bagta uzap gitjek söýgi beslesin.
(Didelemmiz gürleşmesin kesmesin).
Dañatar Galpakow