Aşa gussam üçin bagyşlaň meni

Gepe düşmez keçjallygym bagyşlaň

Dünýäň agramyny ýük edip ýören

Ýüregimi şatlyk bilen taraşlaň

Geçen ýollam çagşadypdyr köwşümi

Soňky pulum täzesine harçladym

Ýürek gysýar, emma welin, bu gezek

Gaýgy-gamyň gapysyny açmadym

Bagy seýrekleşen tokaýlygyma

Ýagyş bolup iniň, Gün deý nur saçyň

Men ýene öreýin bägüller bilen

Özge el degmänkä ýarymyň saçyn

Wysally dünýäde müňlerçe gezek

Başaryp bor bagtly pillä ýetmegi

Kalbyma teselli duýgular üçin

Aşa gussam üçin bagyşlaň meni !

Isa Hojamerdanow