HARASAT
Şatlyk ýumdy gözlerin...
Gussa açdy, tersine.
Gamdan sürme çekdirdi
Gözleriniň hersine.

Elin çarpyp ýalňyzlyk
O ýan, bu ýan garady.
Soň oturyp özüniň
Hiç haçan gutarmaýan
Uzyn saçyn darady.

Duw-ak edip ýüzlerin
Mejal tapman durara
Hyjuw, höwes mündüler
Gabat gelen ulaga.

Söýgem kem oturmady,
Goşun daňyp biline,
Taýýar bolup oturdy
Garaşýan dek birine.
...Duýgular ähli zady
Öňünden bilýärmişin.
Bu kalba bir sagatdan
Aýralyk gelýärmişin...

Aýgül Garaýewa