Raffleziýa ösümligi

Malakka ýarym adasynda, Sumatra, Ýawa, Kalimantan we Filippinler adalarynda duş gelinýän bu ösümligiň güli dünýäde iň uly gül hasaplanylýar.

Örän haýal ösýän bu ösümligiň ösüp, gunçalamagy üçin 3 ýyldan gowrak wagt gerek bolýar. Gunçasynyň doly ýetişip gül açmagy hem ýene-de bir ýyla çekýär. Raffleziýa gülüniň diametri 1 metre,agramy 10 kilograma çenli bolup bilýär. Onuň gülüniň açylan wagtynda  ýaýradýan ysy mör-möjekleri özüne çekýär we şonuň netijesinde gülüň tozanlanmagy bolup geçýär. Janly tebigatda raffleziýanyň 12 görnüşine duş gelmek mümkin.