Ýaşap ýörseň bu zeminiň üstünde.

Şatlykly günler bar gaýgyly gün bar.

Ýöne şatlygymyz gamly günden kän.

Ana şoň üçin hezil owadan dünýe.

Hemme adam deň bolaýsa näderdi.

Müň şükür akyl ba nadan ba güň ba.

Bir meňzeş owazdan gulak ýadardy.

Müň dürli owazly owadan dünýe.

Käte-käte gama batýa başym.

Ähli gaýgy hasrat boýnuňa münýä.

Şol wagt ylgapjyk çykar perzendiň.

Unutdyr gaýgyny owadan dünýe.

Agyr eken ýakynlaňdan aýrylmak.

Her ölüm bir ýaşyň goparyp zyňýa.

Adam pahyr galyberjek ejizläp.

Ýene derman bolýa owadan dünýe.

Başga kän bir gepiň çekjek bolmansoň.

Öýdäkä igenip hezil edinýäň.

Ýöne ýekeje gün öýde bolmasa.

Görküni gaçyrýa owadan dünýe.

Juwan wagtyň söýeniňi aljaksyň.

Goşa ýürek gaýnap dowam edilýä.

Ýene il deňinde Kaka boljaksyň.

Şeýdip aýlanyp dur owadan dünýe.