Ýatla meni,

Gözden dälde ýürekden

akdyryp bolmanda bir damja ýaşy.

Ýatla meni,

Söýgi atly ýüzügňi

Bezäre tapmaňda gymmatly gaşy.

Ýatla meni,

Seran-setan şowsuzlyk

bilen başlanaýsa günleriň başy.

Ýatla meni,

“Bagt” diýeňde alnyňdan

atylyp çykaýsa “garalyk daşy”

Ýatla meni,

Düşüneňde haçanda

Seni mençe söýmejegne hiç kesiň

Ýatla meni,

Bagt guşuny çagyryp

Näçe gygyrsaň-da ýetmände sesiň.

Ýatla meni,

Çümüp pikir-hyýala,

Ýöne welin galaýmagyn süllerip.

Ýatla meni,

Ýatla meni käteler,

Joraň barsa meň adymdan gül berip.