Ilkinji duşuşyk! Ir säher bilen,

Men işe barýaryn, undup dünýäni,

Şonda gözleriňe gözüm düşüpdi,

Şol garaýşyň üýtgedipdi dünýämi.

Gara geýinsemem "ýyldyrym urdy",

Seniň otly nazaryňa çaknyşyp.

Seň köçäňe barýan trolleýbus men,

Öz sadaja umytlamdan aslyşyp.

Nirä barýanymam unutdym şonda,

Ýaşaýyşam şol pursatdan başlady,

Özgelerden nämesi artyk? diýmäň!

Wah ol gyzyň ýaradylşam başgady.

Bolmasa şadyýan, gamsyz ömrümi,

Pida edip "yşk kepenin" geýmezdim,

Oň nämesi artyk, düşündir? diýmäň!

Düşündirip bilýän bolsam söýmezdim...