Gazagystan latyn elipbiýine ýene alty ýyldan doly geçer diýip, «EADaily» saýtyna salgylanýan «News.ru» ýazýar.

Ady tutulan neşiriň ýazmagyna görä, bu barada Respublikanyň Hökümeti tarapyndan kabul edilen Dil syýasatyny ösdürmek boýunça 2029-njy ýyla çenli konsepsiýada aýdylýar.

Resminamada bu maksatlara ýetmek üçin gazak diliniň latyn elipbiýiniň esasyndaky sözlükleriniň işlenip düzülmegi, neşir edilmegi we ýaýradylmagy göz öňünde tutulýar.

Resminamada şeýle hem 2029-njy ýyla çenli gazak dilini bilýän ilatyň paýyny häzirki 81 göterimliginden 84 göterime çenli artdyrmak meýilleşdirilýär.