Suwa gaçan telefony nädip halas etmelidigi maslahat berildi

Suwa gaçmagy ýa-da ýagyşly günde gezim edilmegi smartfona zyýan edip biler. Emma gajeti iş ýagdaýyna getirmek mümkin diýip, «MIR 24» ýazýar.

Munuň üçin ilki enjamy öçürmeli, gabyndan çykarmaly, mümkin bolsa, batareýasyny hem aýyrmaly we ony çygdan arassalamak üçin gury hasa ýa-da çalgyç bilen süpürmeli.

Mundan soňra smartfony azyndan bir gije-gündiz guratmaly, şol wagt ony işletmeli ýa-da güýç bermeli däl.

Hünärmenler el telefonynyň çygyny aýyrmak üçin tozan sorujyny pes güýçde ulanmagy maslahat berýärler. Telefony şeýle-de tüwide ýa-da silikogel şarjagazlaryň arasynda goýmak bolar. Emma olar telefonyň üstki bölegini guradýarlar, içi bolsa çyg galýar. Gajeti ýyly gurak otagda guratmak hem bolar, emma şunda ony göni gün şöhlesiniň astynda goýmaly däldir.