Perwaz urduň, däli köňül,

Jahyllygyň ýelgininde;

Köýdi gitdi aýlar-ýyllar

Yşgyň-söwdaň ýangynynda.

Näme görüp otlandyň sen

Müň gülleriň bir gülünde?

Tiken bardyr öýtmediň den

Bu dünýäniň her gülünde.

Jöwlan urduň, boş çyrpyndyň

Hyýalatyň duzagynda;

Ile-güne hiç sygmadyň –

Saýry bolduň ýer ýüzünde.

Ýalňyzlyga kaýyl etdiň

Meni-de öz sürgüniňde:

Aýakýalaň kän ýöretdiň

Ýanar çägäň ürgüninde.

Dynç alaly, argyn köňül,

Düşläp hylwat jülgesinde;

Ukla biraz sergin-sergin

Kanagatyň külbesine.

yaran_yagmur