Ilkinji Oskar dabarasy 1929-njy ýylyň 16-njy maýynda "Hollywood Roosevelt" myhmanhanasynda geçirilipdir.

Oskar heýkeljigi

Heýkeljigi "Metro Goldwyn Mayer" şereketiniň bezegçisi Sedrik Gobbins eli gylyçly rysar esger şekilinde taýýarlaýar. Soňra heýkeltaraş Jorj Stenli tarapyndanam ýasalýar. Oskar heýkeljiginiň boýy 34.3 sm, agramy-da 3.856 kg. Her ýylky Oskar dabarasy üçin britaniý metaly, kümüş nikelden ýasalan we üstüne 24 karatlyk altyn çaýylan heýkeljikleriň 50 sanysy 3-4 hepdäniň dowamynda ýasalýar. Adynyň gelip çykyşy barada-da 2 dürli maglumat bar. Birinjisi, Oskary 2 gezek eýelän meşhur aktrisa Bette Dewis ýanýoldaşy Harmon Oskara bagyş edip, onuň adyny goyupdyr we soňlugy bilenem, şol Oskar ady galypdyr. Ýene bir maglumatda bolsa, Amerikan kino akademiýasynyň kitaphanasynda işleýän Margaret Herrik heýkeljikleri kakasynyň dogany Oskara meňzeşendigi üçin bu ady goyupdyr diýen gürrüňem bar. Akademiýa Oskar adyny 1939-njy ýyla çenli resmi ýagdaýda ulanmaýar. Arzyly heýkeli alanlaryň ony hiç bir baha satmagyna rugsat edilmeýär. Ony diňe akademiýa 1 dollara yzyna alyp bilýär.