Alýumin gaplaryň gulplaryny asgyçlar üçin ulanmak

Bir asgyçda dürli derejede birnäçe asylýan gurluş ýeňil egin-eşikler üçin amatly çözgütdir. Munuň üçin taýýar asgyçlaram bar, ýöne siz muny adaty alýumin gaplaryň gulplarynyň kömegi bilen asgyçlardan hem ýasap bilersiňiz.

Bambuk taýajyklary we aşhana pyçaklary

Ullakan bulgury ýa-da güldany bambuk taýajyklaryndan dolduryp, ony pyçak goýulýan hökmünde ulanyp bolar. Bu usul amatly hem howpsuzdyr, ony arassalamagam asla kyn däl.

Eşikler geýim asgyçdan taýyp gaçýan bolsa

Eger eşikleriňiz geýim asgyjyndan taýyp, zol-zol gaçyp duran bolsa, daşy ýumşak we tüýjümek örtükli simi ýa-da ýüplügi geýim asgyjyna sarap goýsaňyz, asan zatlaryňyz hiç mahal gaçmaz. 

Sowadyjydaky ýakymsyz ys we limon

Eger sowadyjyda ýakymsyz ys ýaýran bolsa, onda limony birnäçe bölege bölüşdirip, şol ýere goýuň, netije bir günden soň belli bolar.