Sögüşip, ýaraşyp, aglap kä gülüp,

Oýnan günlermizi bilmen çagyryp.

Belki-de durmuşda iñ uly ýitgi,

Aladasyz geçip giden çagalyk.

Sebäpsiz aglaýan, sebäpsiz gülýän,

Günlerimiñ dolanmajagyn bilýän,

Ýatlasam ýene-de ýüregim dilýär,

Aladasyz geçip giden çagalyk.

Ýetik indi ýüregimiñ gussasy,

Ýaralañ ýok bejermäge ussasy,

Bu durmuşyñ iñ süýjüje kyssasy,

Aladasyz geçip giden çagalyk.

Diýerdiler : " Hany eje, kaka diý "

Çaga ýüregimiñ ýokdy takady,

Özi bilen aldy göwün rahady,

Aladasyz geçip giden çagalyk.

Bagtlydym wah, ýyrtyk bolsa-da köwşüm,

Gözlerim ýaldyrap atýardy öwşün,

Indi agyr degdi ýüzüñi sowşuñ,

Aladasyz geçip giden çagalyk.

Şanazar Hydyrow