Söýgi diýmek näme? "Açyş" diýmekmi,

Ýa-da ganat baglap uçuş diýmekmi?

Kalbyňdaky bar arzuwyň, umydyň,

Şonuň üçin jandan geçiş diýmekmi?

Söýgi näme? Ýürekdäki owazmy

Ýa-da joşgun berýän aýdymmy-sazmy?

Gülzarlygy mydam ýadyňa salýan

Sowulmaz bägülli baharmy-ýazmy?

Söýgi näme? Adamdaky arzuwmy,

Ýa-da köňüldäki hyýal-hyjuwmy?

Ony oda oklap, soň suwa zyňýan,

Oýa batryp, horlap ýören ejirmi?

Şeýdip, öz-özüme sorag berip men,

Söýgiň nämedigni bilmekçi boldum.

Söýgi diýen zada düşünmän asla,

Ýene şol sowaly jogapsyz goýdum.

Maýsa Jumaşowa