Bazygär ýeri däl yşgyň meýdany

Munda käte otly köýnek geýmeli

Aklym haýran eden niçik söwda bu

Eger söýjek bolsaň çyndan söýmeli

Bir pursatlyk bu dünýäni gülleden

Göz öňümde galdy elwan öýmeli

Ömür ýatlamadan çykyp bilmedim

Eger söýjek bolsaň çyndan söýmeli

Erkiň gidip demiň deme gelende

Edebi eşretden öňde goýmaly

Söýgi päk bolanda galar belende

Eger söýjek bolsaň çyndan söýmeli

Biri diýdi sen bolmasaň senem jan

Häzirki gyzlara şeýle diýmeli

Söýgini ownatsaň aşyklar ynjar

Eger söýjek bolsaň çyndan söýmeli

Söýgi hasap bilen diýdi bir gelin

Eýýäm gelejegiň gamyn iýmeli

Yşgym bilen oýun etme dur gözel

Eger söýjek bolsaň çyndan söýmeli

Ýogsa oň çekmeli azaby bardyr

Hem guzaby bardyr ýanyp köýmeli

Ýürekden söýýäne mähirdir nurdyr

Eger söýjek bolsaň çyndan söýmeli

Söýgi Allaň adamlara peşgeşi

Manysyzdyr başarmasaň duýmagy

Meniňem ýaşlara etjek haýyşym

Eger söýjek bolsaň çymdan söýmeli.