Bir gyza sataşaýmanmy,
Juwanlygym har eýledi.
Dünýäsi tenha kalbymda
Bir duýgyny bar eýledi.
Gara gözüniñ garasy
Intizar janyñ ýarasy.
Gaýnap yşgyñ dabarasy,
Nazarlarym har eýledi.
Mejnun boldum garaýşyna
Tarypyma ýaraýşyna.
Mest olup zülp daraýşyna
Barmaklarym tar eýledi.
Eçilip söýgiñ ýalkymyn,
Süýji miwäniñ salkymyn.
Göýä,bakamda alkymyn
Bir gyrmyzy nar eýledi.
Açyp aşyklyk kitabyn,
Bilip galdym aby-tabyn.
Içirip ýaşlyk şerabyn
Ahyrynda ýar eýledi.
Awtor:Halylmuhammet