Ýagasy gelýär buludyň

Endam-jany bogun-bogun.

Saňa diýjek jümlelerim

Damagymda boldy düwün.

Uçrap biçäre ýollara

Hesrete döndi gargyşym.

Men deý içigip-içigip,

Aglasy gelýär ýagyşyň.

Kim düşünýär öz bagtymy

Özge bilen paýlaşanma.

Bolar-a mahal-bimahal

Içiňi döküp boşanma.

Bir naşy melege dönüp,

Penjiresinden jyklasam,

Özi duýsa-da owarram

Dabanlaryn gujaklasam.

Oýananda säherlerde

Şärik bolsam dilegine,

Jan-u-dilden söýýänimi

Pyşyrdasam gulagyna

Gör, niçik bordy durmuşym...

Ýagasy gelýär ýagyşyň.

Suraý Babanyýazowa.